गजल

      गजल

नवराज न्यौपाने “मौन”

गजल

 

 

 

सुरम्य धर्ती छँटा हजारौं कला खुलेको छ देश मेरो

हिमाल राम्रो पहाड हाम्रो सदा उठेको छ देश मेरो

 

बहन्छ हावा  सुगन्ध बोकी र धान झुल्ने अहा तराई

अनन्त गङ्गा अपार खानी शिला कुँदेको छ देश मेरो

 

गुराँस फुल्दा हिमाल हाँस्दा सुदृष्टि हाम्रो उतै परेका

बगे हिमानी सलल्ल दक्षिण त्यतै जुटेको छ देश मेरो

 

थिए नि पुर्खा सधैँ इमानी र वीरताका कथा भुलिन्न

हजार यात्री रमेर आए खुशी बनेको  छ देश  मेरो

 

फुलेन आशा मिलेन जागिर भनेर सारा युवा हराए

र खेतबारी सधैं छ बाँझो थला परेको छ देश मेरो